Romans 6
Ala Iko Laifi Nya Bmaya
1To, yi ɓa gyi abye n ɓenukwoyi zhin yi, n nabai Shekwoyi wa gyi abye n yi alheri wuyi n gafara zhin yi?2– 3Awo, yiɓa gyi abye n laifi zhinyi to kwoi zhin dole nu? Ntuge aɓei la laifi iko bmaya n yi tukwo, sanu n yi ɓe ze a Yesu viyi nyi, a zhin yi baptisma ya ze gmanyi n Yesu yi, ntu nwo efi ɓo, aɓei la ofye nanyi laifi zhin nya iko bmaya. 4Aɓei la of ye nayi laifi nya bi dna n baptisma sanu n woi ɓei fi, sanu Dada Shekwoyi n wo iko dnagmayi, ɓei jeze ɓe n Yesu yi n wye-wyeyi n efi, aɓei la owo wye-wyeyi woi-woyi ga yi ya dagma.
5Ntuge fyeku ze nayi gmanyi n woi, ntu cenu fyeku fi n woi sanu n wo ɓei fi nyi, nsayi wo ga fye owo wye-wyei woi-woyi, fye ɓei kukala evingwo shi wo ɓei lakala. 6Aɓei la ofye a shakpe nukwoyi zundu n gnisun n woi, ofye nayi n kwo ye laifi nyi, aɓei lakwo gwoya a tu kwo eci nukwoyi n nabai ofye laifi nayi to kwo shan dna n laifi sirtan, to kwa ze laifi baran. 7Sanu, nfye ku fi n laifi aba fyeku pwo nkwo kwocedna n kwo ikoyi nfye tukwo. 8Tunda of ye nanyi kwo-kwoyi laifi ye nya ɓei lafi n Yesu yi, yi kpelo ge wo ɓa gayi owo wyewyeyi. 9Kristi la laka n vingwo wo ta shan fi n jesun, efi to n iko dohoi shan sun lo n wo tukwon. 10Wo ɓei fi bwazun gmanyi wa zo laifi iko, ama n sayiye wo n vrye-wyei lo n sase n Shekwoyi nyalo-nyalo. 11Ntu lonu fye ze of yehin aza fi-fiyi n laifi aba, to fya ye laifi ayin fya ku ze awye-wyei da n Shekwoyi aba fyei wo-wo dna n Yesu Kristi eyi Dagayi.
12Fyeto ye laifi kwa bwa iko tu nfye nanyi tukwo n shan sun, fye to ye okwo ashakpe nukwoyi n. 13Fye to ye ega doho nfye nanyi kwa ze ɓenukwoyi zhin nyan, kwa ze laifi zhinya, ama fye ga fyehin tukwo vinya n Shekwoyi akun nfye aga yi vinya, ntu ge fye la kun n efi, fye ku ze apmanya n Shekwoyi akun, wa zhin apma n fyei n wo ɓeye gmanyi. 14Laifi to shan fye tukwo da zen, ntuge fye to ye filo n ewa suntan, aba n laifi ɓa zefye owo baran. Ai fye n yanci yi lo dna n Shekwoyi alheri n sun-sun gyei.
15Kwo wunu ge yi ɓa gyi abye n ɓenukwoyi zhin yi to ya gye yi anuwan n kwo ɓeyin? (Ntuge eyi gni-gni to lo n ge sai ya shi awyidna bwanun, ama Shekwoyi alheri nu), awo.
16Fye ta kpe lon nge fye ɓa mi fya kni fye dagayin? Fye ɓa mi fya kni laifi (n fiyi) ko, ɓovi (n gyi-gyi-yi) oza nfya ga fyehin tukwo n wo a kun wonu ɓa lafye wa ze of ye dagayi fya zewo afyenu. 17Fye gode n Shekwoyi, ntu ge fye ɓei zhin laifi abara nu, nsaiye fyeku ɓovi n fye abugbayi vinya, enya n Shekwoyi wa wufye. 18Nsayi ye, fyela kun n ifye dagayi kwo-kwoyi akun, laifi, fyei ku ze ofye dagayi woi-woyi abara, ɓefyece.
19Mi daɓo n layi mi-i zhin apma n ɓesisi abara nya n na dagayi nyayi, ntuge fya bwa awyega n pye. Shi fye ɓei zhin abara laifi gbo-gbo nya nyi, ntu lonu, nsaiye fye fa fyehin fya ze abara aɓe manayi nya nɓeyi vinya n kwo gyi-gyi-yi.
20Nsapai n fye ɓei zhin laifi bara, fye to ɓei gye fye anuwan n ɓe manayi zhin yin. 21Fya bwa kni gyiba yiʼa? Gyiba to ɓei bmiyam, tunda vinyikwo wo fyelo fyei ya zhin aɓo nubo n fyeɓei zhin fyei zhin nyi. Ntuge aɓeye zofi n anapi nu n Shekwoyi minagyi yi. 22Ama n sayi ye fye la kun n laifi iko, fye ku zhin Shekwoyi abara, owo gyiba nwo ga fye okwo nu gyi-gyi n wye-wyeyi nyalo-nyalo nya yi. 23Gama laifi lada ofi nu, amma Shekwoyi cauta wye-wyei nyalo-nyalo nya nu dna n Yesu Kristi eyi Dagayi.
Copyright information for
GbrGAW